Улуу Британияда орнотулган жаңы жылдык балаты тургундарды катуу нааразы кылууда

Англиянын Линкольншир графтыгына караштуу Гримсби шаарынын жашоочулары калаанын Риверхед аянтында орнотулган жаңы жылдык балатыга катуу нааразы болушууда. Бул тууралуу Grimsby Live  булагына таянуу менен “Барометр” маалымдайт.

Балатыны Линкольнширдин түндүк-чыгыш кеңеши Рождество майрамына жана жаңы жылга арналган балаты деп тааныштыргандан кийин тургундар эмне болгонун түшүнбөй жатышат.

Балатынын бийиктиги орточо 4 метр жана андан эч кандай оюнчуктар, кооздуктар жок. Тактап айтканда, бул тосмого алынган кадимки эле жасалма балаты.  

Grimsby Live бул өзгөчөлүк жергиликтүү тургундарга жакпай жатканын кошумчалады.