Улуттук банк алтын валюта резерви кескин азайып кетти деген маалыматты четке какты

Азыркы учурда коомчулукта Улуттук банктын алтын валюта резерви кескин төмөндөп кеткени тууралуу маалымат тарап жатат.Бул маалыматка Улуттук банк тактоо бергенин “Барометр” билдирет.

Улуттук банк расмий түрдө 2021-жылдын 27-июлуна карата алтын валюта резервдери 2,65 млрд доллар экенин, бул 6 айга чейинки аралыкта товарлар менен тейлөөнү импорттоого жете турганын билдирди.

“Алтын валюта резервинин азыркы көлөмү өлкөнүн макроэкономикалык жана каржылык коопсуздугун колдош үчүн жетишерлик”,-деп айтылат маалыматта.

Аталган маалыматка таянсак, акыркы бир нече жылда өлкөнүн алтын валюта резерви көбөйгөн. 2019-жылдын соңунда анын көлөмү 2,4 млрд доллар болсо, 2020-жылдын акырында 2,8 млрд доллар болгон.