Түрк тилдүү мамлекеттердин саммитине катышуу үчүн Азербайжандын президенти келди

3-сентябрда Чолпон-Ата шаарында өтө турган Түрк тилдүү мамлекеттердин кызматташтык кеңешинин VI саммитине катышуу үчүн Кыргызстанга Азербайжан республикасынын президенти Ильхам Алиев келди. 

«Ысык-Көл» эл аралык аэропортунда сыйлуу конокту Кыргыз республикасынын биринчи вице-премьер-министри Кубатбек Боронов тосуп алды.

Маалымат катары айта кетсек,  түрк тилдүү мамлекеттердин кызматташтык кеңеши – бул заманбап түрк мамлекеттерин бириктирген эл аралык уюм, анын негизги максаты мүчө-мамлекеттер аралык ар тараптуу кызматташтыкты өнүктүрүү болуп саналат. Түрк тилдүү мамлекеттердин кызматташтык кеңешине мүчө-мамлекеттер катары Азербайжан Республикасы, Казакстан Республикасы, Кыргыз Республикасы жана Түркия Республикасы саналат.

Белгилесек, быйыл түрк тилдүү мамлекеттердин кызматташтык кеңешиндеги төрагалык Казакстан республикасынан Кыргыз республикасына өтөт.