Түптө жол кырсыктан эки киши көз жумду

Бүгүн, 16-июнга караган түндө Түп районунда Балыкчы-Ананьево-Каракол унаа жолунун 187-чакырымында адам өмүрүн алган жол кырсыгы болду. Бул туралуу ӨКМнын басма сөз кызматына шилтеме берип "Барометр" билдирет.

Маалыматка ылайык, түнкү саат 01:00 чамасында Subaru Legacy В4 үлгүсүндөгү унаанын айдоочусу рулга ээ боло албай жол кырсыгына кабылган. Кырсыктын кесепетинен 1992-жылы жана 2002-жылы туулган эки жаран каза болуп, 2002-жылы туулган жигит жаракат алган.

Жаракат алган жаран Тез жардам аркылуу ооруканага жеткирилип, ал эми куткаруучулар жеткенге чейин каза болгон жарандарды унаадан чыгарып ИИМдин кызматкерлерине өткөрүп беришкен.

Жерине төрт куткаруучу тартылган.