Түптө болгон сел жолдорду, көрүстөндөрдү каптап кетти

Ысык-Көл областынын Түп районуна сел жүрдү. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” маалымдайт.

Аталган кабарга таянсак, Шаты айылындагы Супатай көчөсүндө арыктар толуп кетип, суу 2 үйдүн короосун жана ички чарба жолдорун каптаган.

Мындай тышкар Балбай айылында болгон сел көрүстөндү каптап кеткен.

Тазалоо иштерине чукул кырдаалдар бөлүмүнүн, айыл өкмөтүнүн кызматкерлери тартылды. Бүгүн, 25-августта калыбына келтирүү жумуштары жүрүп жатат.