Токтогулда аскерлер турак үйдөн чыккан өрттү өчүрүүгө жардам беришти

ИИМдин Ички аскерлеринин 718 аскер бөлүгүнүн өзүнчө батальонунун өздүк курамы Кара-жыгач айылынын жергиликтүү тургунунун үйүндөгү болгон өрттө жардам көрсөтүштү. Бул тууралуу ИИМдин Ички Аскерлеринин Басма сөз кызматына таянып "Барометр" билдирет.

Кечээ, 6-декабрда Ички иштер министрлигинин Ички аскерлеринин 718 аскер бөлүгүнүн өзүнчө батальонунун (Токтогул районунун Каражыгач айылында жайгашкан) өздүк курамы Кара-жыгач айылынын жергиликтүү тургуну З.Сакееванын үйүндөгү болгон өрттө жардам көрсөтүштү.

Батальондун өздук курамы өрт болгон жерге барган соң, айылдык өрт өчүргүчтөр тарабынан өчүрүлгөн үйдүн ээсинин үй эмеректерин, документтерин  жана жеке нерселерин алып чыгууга жана дагы үй ичиндеги отторду өчүрүшүп жардам көрсөтүштү.  

Үй өрттөнүп жатканда үйдүн ээси жок болгон.