Токтогул районунда жол жабылды

19-мартта Жалал-Абад облусунун Токтогул районундагы Бишкек - Ош унаа жолунун 255-чакырымында (Пельменный тилкеси) саат 10:20 чамасында кар көчкү түшүп, унаа жол жабылгандыгына байланыштуу, Токтогул районунун "Арал" постунда саат 11:10дон тартып унаалардын баардык түрлөрүнө убактылуу чектөө киргизилди. Бул тууралуу ӨКМдин басма сөз кызматы билдирди.

Министрлик буга чейин күндүн жылышынан улам бийик тоолуу аймактарда кар көчкү түшүү коркунучу жогору экенин эскерткен болчу.