Токмокто үй ээлери уктап жатканда тоноп кеткенге шектүү кармалды

Токмокто үй ээлери уктап жатканда телефон жана акча уурдап кеткенге шектүү кармалды. Бул тууралуу Чүй ОИИБдин маалыматына шилтеме берип “Барометр” билдирет. 

Маалым болгондой, кылмыш 12-майда Токмок шаарында болгон. 

“Түнкү саат үчтөр чамасында үйдөн эки телефон жана акча уурдалган. Аталган факты КР Кылмыш-жаза кодексинин 205-беренеси («Уурдоо») менен электрондук журналга катталган. Токмок ШИИБдин кызматкерлери тарабынан кылмышка шектүү катары 1995-жылы туулган Т.Ф.Б. кармалды.   
 Шектүү убактылуу кармоочу жайга киргизилип, тергөө иштери уланууда”, -деп айтылат маалыматта.