Токмокто эшиги жабылып калган батирдин ичинен 62 жаштагы адамдын жансыз денеси табылды

Токмоктогу батирлердин биринин ичинен 62 жаштагы эркек кишинин жансыз денеси табылды. Бул тууралуу Өзгөчө кырдаалдар министрлигинин басма сөз кызматы билдирди. 

Анда айтылгандай, кечээ 7-январь күнү саат 19:48де  КР ӨКМнин №21 Аскерлештирилген өрт-куткаруу бөлүмүнүн куткаруучулары Токмок шаарынын 3-кичи районунун №76 үйүнүн батиринин бекилип калган эшигин ачып беришкен. Батирдин ичинен 1957-жылы туулган И.Н.А  аттуу эркек кишинин жансыз денеси табылган. 

Куткаруучулар маркумдун  денесин ИИМ кызматкерлерине өткөрүп беришти. Иликтөө иштери жүрүүдө.