Токмокто эки мас жигит улгайган эркекти сабап жатып өлтүрүшкөн

Токмокто эки жигит ден соолукка оор залал келтирүү боюнча шектелип кармалды. Бул тууралуу Чүй областтык ички иштер башкы башкармалыгынан кабарлашты.   

29-апрелде болжол менен саат 7:00дө Токмок шаардык ички иштер бөлүмүнө аймактык ооруканага 40-45 жаштар чамасындагы эркек киши зомбулук менен өлтүрүлгөнү тууралуу маалымат келип түшкөн.

Бул факты боюнча ыкчам-иликтөө тобу барган. Бул окуя “саламаттыкка оор зыян келтирүү” 138-беренеси менен кылмыш иши козголгон.     

Каза тапкан адам 61 жаштагы Г. Ф. болуп чыкты. Бул ишке шектүү делип Токмок шаарында жашаган 28 жаштагы  С. Ф.  жана 26- жаштагы З. У.кармалды. Алдын ала маалыматтарга таянсак, чатак мас болгон учурда чыккан.