Түлөбаев өкмөттүн Ысык-Көл облусундагы өкүлү болуп дайындалды

Балбак Түлөбаев өкмөттүн Ысык-Көл облусундагы ыйгарым укуктуу өкүлү болуп дайындалды. Бул тууралуу өкмөттүн аппаратынын басма сөз кызматына шилтеме берип «Барометр» билдирет.

"Түлөбаев Балбак Зарлыкович КРнын өкмөтүнүн Ысык-Көл облусундагы ыйгарым укуктуу өкүлү болуп дайындалды", - деп айтылат маалыматта.

Тиешелүү буйрукка премьер-министр Кубатбек Боронов кол койду.

Белгилей кетсек, Түлөбаев буга чейин Бишкек шаардык мэриясынын аппарат башчысы болуп эмгектенип келген.