Ташиев: Досум Паоло Россинин каза болгонун угуп кайгырып турам

Улуттук коопсуздук боюнча мамлекеттик комитетинин башчысы Камчыбек Ташиев белгилүү италиялык футболчу Паоло Россинин жакындарына көңүл айтып, футбол сүйүүчүлөрү дагы бир легендадан айрылганын айтты. Бул тууралуу анын фейсбук баракчасына жазылган маалыматка шилтеме берип “Барометр” билдирет.

“Бүгүн, 10-декабрда дүйнөнүн чемпиону, “Алтын топ” сыйлыгынын ээси Паоло Россинин каза болушу тууралуу суук кабарды уктум. Мага ушундай дүйнөнүн легендасы менен жолукканга, жакындан таанышып достошконго мүмкүнчүлүк берген жаратканыма ыраазымын. Менин уулум Эмир-Хан эки жыл Россиден сабак алып, анын футбол академиясында окуган.

Баардык футбол сүйүүчүлөрүнө жана Италия элине кайрат айтып, аза кайгысын тең бөлүшөм”, - деп жазды Ташиев.