Талас облусундагы Нылды көлүнө 15 жаштагы өспүрүм кыз чөгүп каза болду

Талас облусундагы Нылды көлүнө 15 жаштагы өспүрүм кыз чөгүп каза болду. Бул тууралуу ӨКМнин басма сөз кызматынан кабарлашты. Берилген маалыматка ылайык, 2018-жылдын  10-июл күнү саат 12:30 чамасында Талас облусунун Талас районунун Көк-Ой айылындагы Нылды көлүнө 2003-жылы туулган  М.А аттуу өспүрүм кыз сууга чөгүп кетти деген маалымат түшкөн. Жеринде издөөгө КР ӨКМнин  Талас шаардык  №17 Аскерлештирилген өрт-куткаруу бөлүмүнөн  5 куткаруучу тартылган.  Куткаруучулар жеткенге чейин кыздын жансыз денесин туугандары алып кетишкен.