Төө-Ашуу, Ала-Бел жана Өтмөк ашууларында кар жаап, жол тайгак болууда

Төө-Ашуу, Ала-Бел жана Өтмөк ашууларында бүгүн, 4-ноябрда кар жаап, жол тайгак болууда. Бул тууралуу Транспорт министрлигинен кабарлашканын “Барометр” маалымдайт. 

Талас-Тараз-Суусамыр жолундагы Өтмөк ашуусунда кар бороону болуп жатат. № 9, 23, 36 жол эксплутация башкармалыктарынын кызматкерлери жолду тазалоодо.

Үч ашууда тең инерттүү материалдарды төгүү иштери жүргүзүлүүдө. Кардын калыңдыгы Төө-Ашууда 5 сантиметрге, ал Ала-Бел жана Өтмөк ашууларында 10 сантиметрге чейин жетүүдө.

Транспорт министрлиги ашууларда жайкы дөңгөлөк менен жүрбөөнү жана аларды тез арада алмаштырууну айдоочуларга эскертүүдө.