Сузакта 16 жаштагы кыз өз агасынан көз жарды

Сузакта 16 жаштагы кыз агасынан боюнан бүтүп, көз жарды. Бул тууралуу Жалал-Абад ОИИБдин басма сөз кызматына шилтеме берип “Барометр” билдирет.

Бул окуя боюнча топтолгон материал Сузак РИИБдин КЖБРне катталып, КРнын ЖКнын 164-беренеси (Он алты жашка жетелек адам менен сексуалдык мүнөздөгү аракеттер) менен сотко чейинки ѳндүрүш жазык иши башталды.

«Аталган кылмыш ишине шектүү Сузак райондук сотунун тергөө судьясы тарабынан баш коргоо чарасы 2 айга камакка алуу түрү тандалып, РИИБдин УКЖсына камалган», - деп айтылат маалыматта.

Учурда сотко чейинки өндүрүш ишинин алкагында тиешелүү экспертизалар дайындалып, тергөө амалдары жүргүзүлүүдө.

Белгилей кетсек, учурда эне жана баланын абалы жакшы.