Сузак районунда сарайдан өрт чыкты

Жалал-Абад облусунун аймагында өрт чыкты. Бул тууралуу КР ӨКМ басма сөз кызматы билдирди. Окуя 1-июнда саат 20:20 чамасында Жалал-Абад облусунун Сузак районундагы Таш-Булак айыл аймагынын Дос-Кана айылынын Исаков көчөсүндө жайгашкан сарайдан чыккан.  Анда жыгач устун менен жабылган сарайдын 74 чарчы метр чатыры күйүп кетти. Учурда өрттүн келип чыгуу себеби такталууда.