Дагы 22 медициналык кызматкерге коронавирус жукту

Бир сутка ичинде өлкө боюнча 22 медициналык кызматкерге коронавирус жукканы аныкталды. Бул тууралуу брифинг учурунда Республикалык штаб билдирди.

Анда Бишкек шаарында– 12, Чүй облусунда – 3, Ош шаары – 5 жана Ош облусунда – 2 учур катталды.

Ал эми стационарлардан сутка ичинде 13 медкызматкер айыгып чыгарылды.

Жалпысынан республика боюнча COVID-19 диагнозу менен медициналык кызматкерлер арасында – 460 учур катталды, алардын ичинен 354 медкызматкер стационарлардан айыгып чыккан.