Стамбулда дайынсыз болуп изделип жаткан кыргыз кызы аман-эсен табылды

Түркиянын Стамбул шаарында жоголуп кеткен Жазгүл Шамуратова табылды. Бул тууралуу ИИМдин маалыматына шилтеме берип “Барометр” билдирет. 

Маалым болгондой, бир нече күндөн бери Түркиянын Стамбул шаарынан дайынсыз болуп изделип жаткан кыргыз кызы бүгүн, 5-июлда аман-эсен табылды. 

“Кыргыз Республикасынын ИИМдин Эл аралык кызматташтык башкармалыгы Түркия ИИМдин Кыргызстандагы Өкүлчүлүгү менен биргеликтеги аракеттеринин жыйынтыгында 2023-жылдын 5-июлунда Стамбул шаарында 20 жаштагы Жазгүл Шамуратова табышкан.

Азыркы учурда, Стамбул шаарынын Кадыкөй райондук полиция бөлүмүндө Жазгүл Шамуратованын жоголуп кеткендигинин себептери такталууда”, -деп жазылат маалыматта. 

Белгилей кетсек, Жазгүл Шамуратова Түркиянын Стамбул шаарына учуп барып, андан ары автобус менен Болгариянын Варна шаарына сезондук жусуштарга иштегени кетмек болгон. Бирок, Сатамбулдан апасына бейтаныш адамдын инстаграмм баракчасы аркылуу жардам сурап, ошол бойдон дайынсыз болуп жаткан.