Сүрөт. Оштогу музыкалык мектептин 80 чарчы метр аянты толугу менен күйгөн

Оштогу Ниязалы Борошев атындагы музыкалык окуу жайдын 80 чарчы метр аянты өрттөнгөн. Бул тууралуу маалыматты ӨКМ билдирди. Берилген маалыматта, окуя тууралуу 2018-жылдын 16-октябрына караган түнү саат 01:00 чамасында Ош шаарындагы Ленин көчөсүндө жайгашкан музыкалык мектеп өрттөнуп жаткандыгы тууралуу ӨКМга маалымат келип түшкөн. 

Өрттү өчүрүүгө жалпы Ош шаардык куткаруу бөлүмдөрүнөн 3 бөлүм тартылып, толугу менен 02:42де толук өчүрүлгөн. Өрттүн кесепетинен имараттын болжол менен 80 чарчы метр аянты,  музыкалык аспаптар, отургучтар жана курулуш материалдары күйгөн. Учурда өрттүн келип чыгуу себеби такталууда.