Сокулукта шифер жана пластмасса чыгарган заводдо өрт чыкты

Кечээ, 8-июнь күнү кечинде Сокулук районунда “Шифер-Голд” желим жана шифер чыгаруучу заводунда өрт чыкты. Бул тууралуу ӨКМнын басма сөз кызматына шилтеме берип “Барометр” билдирет.

“Учкун айылында “Шифер-Голд” пластмасса жана шифер чыгаруучу заводунун 1300 ч.м. чатыры күйгөн.

Өрттү өчүрүүгө №8 , №4 жана №7 ӨКБдан жалпы 3 бөлүм тартылды. Саат 21:00Дө өрт чектөөгө алынып, саат 22:45 толук өчүрүлдү.

Учурда өрттүн келип чыгуу себеби учурда такталууда”,- деп айтылат маалыматта.