Сокулукта кошунасынын 10 жаштагы кызын зордуктамак болгон адам кармалды

Сокулук районунда кошунасынын 10 жаштагы кызын зордуктоого аракет кылган тургун кармалды. Бул тууралуу укук коргоо органдарынан кабарлашты.

Аталган маалыматка таянсак, 26-июнда Сокулук районунун милициясына жергиликтүү тургундар жашы жеке элек секелекке зомбулук көрсөтүүгө аракет кылган адамды кармап алышканы тууралуу маалымат түшкөн. Окуя болгон жерге барган милиция шектүүнү кармады.

Жергиликтүү тургундардын айтымында, ал секелек кызды үйүнө алдап алып кирип зордуктоого аракет кылган.

Эркектин үйүн тинтүүгө алган кезде эч жерде катталбаган эки аңчылык мылтык да табылды.

Шектүү Сокулук райондук ички иштер бөлүмүнүн убактылуу кармоочу жайына камалган, бүгүн 28-июнда анын башка коргоо чарасы каралат.