Соцтармакта Кызыл-Кыяда сел жаш баланы агызып кетип жаткан видео таркады

Соцтармакта Кызыл-Кыя шаарында катуу сел жүрүп, кичинекей баланы агызып кетип бара жаткан видео таркады. Бул тууралуу "Барометр" билдирет.

Окуя, 18-июнь күнү болгон. Видеодон бир канча киши сел катуу жүрүп, жаш баланы велосипеди менен агызып кетип бара жатканын тартып жатканын көрүүгө болот. 

Бактыга жараша, кишилер баланы куткарып калышкан. Анда, баланы жана велосипедин ошол жерде турган адам чуркап барып кармап калганын көрүугө болот. Видео тартып жаткандар элдерди балдарга сак болууга чакырып, селдин канчалык кооптуулугун эскеришкен. 

Эскерте кетсек, 18-июнда нөшөрлөгөн жаандын кесепетинен Баткен облусунун Кызыл-Кыя шаарында сел жүрүп 27 турак үйдү каптап кеткен.