Соң-Көл жайлоосуна үй-бүлөсү менен чыгып кетип, дайынсыз болуп жаткандар табылды

Нарындагы Соң-Көл жайлоосуна чыгып кетип, дайынсыз болуп жаткан үй-бүлө аман-эсен табылды. Бул тууралуу ӨКМ билдирди.

Маалыматка ылайык, 16-декабрь күнү саат 23:04тө 1975-жылы туулган Н. А.аттуу жаран эки баласы менен Toyota Kluger унаасы менен Соң-Көл-Кара-Тал унаа жолу аркылуу Соң-Көл жайлоосуна чыгып кетишип, кайра байланышка чыккан эмес.

Куткаруучулар дайынсыз жоголгондорду издеп, жайлоого барышкан. Аларды "Кырк-Боз үй" тилкесинен аман-эсен табышкан.

Абалдары жакшы деп айтылат маалыматта.