Сүлүктүдөгү шахтадан газ чыгып 4 адам каза болду

Сүлүктүдөгү шахтадан газ чыгып 4 адам каза болду. Бул тууралуу “Барометрге” ӨКМдин басма сөз кызматы билдирди.

Кечээ, Сүлүктү шаарында “Кенчилер-Береке” шахтасында газ чыгып, кырсыктын кесепетинен 3 эркек киши жана 1 аял киши газга ууланып каза болушту.

Жерине КР ӨКМнин №1 өзүнчө мобилдештирилген тоо-кен куткаруу взводунун куткаруучулары тартылып, каза болгон адамдардын жансыз денелерин шахтадан чыгарып, Сүлүктү шаардык ооруканасынын өлүк сактоочу жайына жеткиришти.