Сүлүктүдө шахта урап түшүп, 37 жаштагы киши каза болду

Сүлүктүдө шахтада кырсык болуп, бир киши каза болду. Бул тууралуу ӨКМдин басма сөз кызматына таянып "Барометр" билдирет.

Сүлүктү шаарында 22-декабрь күнү саат 10:40 чамасында ЖЧК “Ашымбаев” шахтасы урап түшүп, 1 эркек адам (1983-жылы туулган) калып калган.

23-декабрь күнү жеринде  КР ӨКМнин 16 куткаруучу, ИИМден 6 кызматкер, 20 шахта кызматкерлери издөө иш чараларын жүргүзүп, маркумдун жансыз денесин алып чыгышып, ИИМ кызматкерлерине өткөрүп беришкен.