Шаардык сот бүгүн Айбек Калиевдин бөгөт чарасын карайт

Бишкек шаардык соту бүгүн , “Улуттук энергохолдингдин” мурдагы жетекчиси Айбек Калиевдин бөгөт чарасын карайт. Бул тууралуу Жогорку соттун басма сөз кызматынан кабарлашты. 

Буга чейин анын абактагы мөөнөтү 13-августка чейин узартылган. Калиевдин жактоочулары анын бөгөт чарасын өзгөртүп, үй камагына чыгарууну өтүнүп сотко кайрылышкан.

Эске салсак, ЖЭБди модернизациялоо боюнча козголгон кылмыш ишинин алкагында "Улуттук энергохолдинг" компаниясынын мурдагы жетекчиси Айбек Калиев шектүү катары 18-апрелде кармалган. Ал Улуттук УКМКнын убактылуу кармоочу жайында отурат.