Сауд Аравияда ажылыкка уруксатсыз зыярат кылууга аракет кылган 17 миңден ашуун адам кармалды

Сауд Аравияда ажылыкка уруксатсыз зыярат кылууга аракет кылган 17 миңден ашуун адам кармалды. Бул тууралуу Сауд Аравиянын маалымат агенттиги Коомдук коопсуздук кызматынын башчысына шилтеме берүү менен билдирген маалыматына шилтеме берип “Барометр” билдирет. 

Анын ичинен 9,5 миңге жакын адам өлкөдө жашоо жана жүрүү эрежелерин бузган. Кошумчалай кетсек, Сауд Аравия бийлиги зыяратчыларды ажылыкка мыйзамсыз ташыган 33 адамды камакка алган.      

Өткөн аптада Сауд Арабиянын Мекке жана Медина шаарларында жылдык ажылык зыяраты өттү. Ага эки миллиондон ашык адам катышты. Быйыл, коронавирустун пандемиясынан бери биринчи жолу Сауд Аравиясынын бийликтери 2020-жылга чейинкидей сандагы адамдын ажылыкка баруусуна уруксат берди.