Самат Сүймалиев «Алга» футболдук клубунун башкы машыктыруучусу болуп дайындалды

Самат Сүймалиев «Алга» футболдук клубунун башкы машыктыруучусу болуп дайындалды. Бул тууралуу “Барометр” билдирет.

Борбор калаанын “Алга” футболдук клубунун жаңы башкы машыктыруучусу болуп буга чейин КРнын жаштар курама командасын (U-17) жетектеп келген Самат Сүймалиев дайындалды.

Самат Сүймалиевдин айтымында, машыктыруучулардын курамында да анча-мынча өзгөрүүлөр болгон. 

“Руслан Жаныбеков клубда дарбазачылардын машыктыруучусу, ал эми Бакай Зайырбеков машыктыруучунун жардамчысы болуп иштейт”, -деди ал.

Сүймалиевдин келишими 2023-жылдын сезону аяктаганга чейин, дагы да узартылышы мүмкүн.