Садыр Жапаровдун ант берүү аземине журналисттер катыша алышпайт

Жаңы шайланган президент Садыр Жапаровдун ант берүү аземине катардагы журналисттер катыша албайт.  Бул тууралуу президенттик аппараттын басма сөз кызматына шилтеме берип "Барометр" билдирет.

«Жаңы шайланган президенттин кызматка киришүү аземи телеканалдар аркылуу түз көрсөтүлөт. Иш-чарага негизинен катардагы жарандар, коомдук ишмерлер, чыгармачыл жана илимий интеллигенциянын, дипломатиялык корпустун өкүлдөрү чакырылган. Өлкөдөгү эпидемиологиялык кырдаалга байланыштуу журналисттерди аккредитациялоо жүргүзүлгөн жок, иш-чараны онлайн чагылдыруу үчүн баардыгы жеткиликтүү болот. Инаугурация аземине алдыңкы жергиликтүү ЖМКлардын жетекчилери жана чет өлкөлүк жалпыга маалымдоо каражаттарынын өкүлдөрү конок катары чакырылат», – деп айтылат маалыматта.