Садыр Жапаров алгачкы иш-сапары менен 24-25-февраль күндөрү Россияга барат

Кыргызстандын президенти Садыр Жапаров Россияга болгон иш-сапарга даярдануу үчүн өзүн-өзү изоляцияга алды. Бул тууралуу  президенттик аппараттын маалымат кызматы шилтеме берип “Барометр” билдирет.

Маалыматка ылайык, Садыр Жапаров Россияга дипломатиялык иш-сапары 24-25-февраль күндөрү барары күтүлүүдө.

"Садыр Нургожоевич жакында Россияга боло турган иш сапарына даярданып жатат. Эми ал коронавирус пандемиясына байланыштуу коопсуздукту сактоо максатында өзүн-өзү коомдон обочолонтуп жатат", - деп айтылат маалыматта.

Эске сала кетсек, буга чейин вице-премьер-министр Равшан Сабиров Жогорку Кеңештин комитетинин жыйынында Садыр Жапаровдун алгачкы иш-сапары Россияга болорун билдирген