Садык Шер-Нияздын VIP шаарчасы бар экен деген сөз чынбы? Өзүнүн жообу

Президенттикке талапкер Садык Шер-Нияздын вип-шаарчасы бар экен деген сөздөргө жооп берди. Бул тууралуу анын фейсбук баракчасына жазылган маалыматына шилтеме берип “Барометр” билдирет.

“Ооба туура бул шаарчаны менин идеям менен курганбыз. Биз үйдүн айланасын тосмо менен торогон эмесбиз. Андан көрө, ага кеткен акчанын ордуна жол салдырууга жумшаганбыз. Өкмөттөн акча сурабайлы, алар азыр бизге жардам бере албай деп өзүбүз эле куруп алганбыз. Менин үйүм да кадимкидей эле чакан жер үй. Бул шаарчада менин досторум жашайт. Айрымдары алыс жактарга оор жүк ташуучу унааларды айдаган шоопур. Кээ бири, мен сыяктуу маданият тармагындагы эле адамдар. Башында 5 000 доллардан чыгарып жер алып, анын үстүнө 5 000 доллардан кошуп ушундай кылып, коопсуз шаарча салып алганбыз.

Шаарчабызга мэр дайындап алганбыз. Шаарчанын баардык көйгөйлөрүн ошол мэр чечип, жөнгө салып турат.

Ушул жерде бир-эки жер тилкеси бош турат. Буюрса ошол жерлерге көп кабаттуу үй салсакбы деп турабыз.

Негизи, эл менен кошо байыш керек деген принцибим бар. Мисалы, биз ушул жерди алганда жер тилкеси 5 000 доллар болчу. Азыр 50 000 долларга да бош жер тилкесин таппайсың. Мындайча айтканда, бул жерде жашаган менин жакындарым чогуу байыдык десем болот.

Эгерде, туура идея жана туура багыт болсо жакшы жашоого болот”, - деди Садык Шер-Нияз.