Рулду башкара албай калган. Бишкекте 18 жаштагы айдоочу каза болду (видео)

Бишкек шаарында адам өмүрүн алган жол кырсыгы катталды. Бул тууралуу ӨКМ билдирген маалыматка таянып “Барометр” билдирет.

Шабдан Баатыр көчөсү менен бара жаткан “Мерседес-Бенц-Спринтер” кичи автобусунун айдоочусу рулду башкара алабай калып, электр мамысын сүзгөн.

Өзгөчө кырдаалдар министрлиги окуя 5-ноябрь күнү таң эрте ТЭЦ жакта болгонун кабаралады.

“Алдын ала маалыматка ылайык, Шабдан Баатыр проспектисинде  “Мерседес-Бенц-Спринтер” үлгүсүндөгү унаанын айдоочусу рулду башкара албай жолдон чыгып электр карагайын сүзгөн. Кырсыктын кесепетинен 2002-жылы туулган айдоочу каза болгон.  2001-жылы туулган бала жабыркаган. Куткаруучулар маркумдун жансыз денесин унаадан чыгарышып, ИИМ кызмакерлерине өткөрүп беришкен. Ал эми жабыркаган жаран тез жардам кызматы аркылуу ооруканага жеткирилген. Жерине Бишкек шаардык куткаруу кызматынан 5 куткаруучусу тартылган”, - деп айтылат билдирүүдө.