Россиянын полициясы Кыргызстанда туулган үч жаранга издөө жарыялады

Россиянын Ички иштер министрлигинин Самара областы боюнча «Якутское» муниципалдык аралык башкармалыгынын кызматкерлери бир катар кылмыштарга шектүүлөргө издөө жарыялады. Бул тууралуу полициянын сайтына шилтеме кылуу менен “Барометр” маалымдайт.

Кечээ, 19-октябрдагы жарыяга ылайык төмөнкү жарандар изделүүдө:

 - Мамажанов Хожи Хотамжонович, 1993-жылы Кыргызстанда туулган. Россиянын Кылмыш кодексинин 264.1-беренеси-(мурда соттолгон же болбосо административдик жазага тартылган, мас абалда болгон тараптын унаа башкаруусу) боюнча шектелүүдө;

- Маматкадиров Иброхимжон, 1995-жлы Ош шаарында туулган, соттон жашырынып жүрөт. Ал Россиянын Кылмыш кодексинин 327-беренеси- (документтерди, мамлекеттик сыйлыктарды, штамптарды, мөөрлөрдү жана бланктарды жасалма жасоо) боюнча шектелип жатат;

- Азимжанов Мухаммадбобур Боходиржонович, 1996-жылы Ош шаарында туулган, соттон жашырынып жүрөт. Ал Россиянын Кылмыш кодексинин 327-беренеси-(документтерди, мамлекеттик сыйлыктарды, штамптарды, мөөрлөрдү жана бланктарды жасалма жасоо) боюнча шектелип жатат.