Окумуштуулар ракты дарылоодо нур терапиясынын ордуна жаңы ыкма ойлоп табышты

Корея илим жана технология институтунун (KIST) изилдөөчүлөрү ракты дарылоонун жаңы фототерапия технологиясын иштеп чыгышты. Бул тууралуу Asian News Internationalга шилтеме берүү менен «Барометр» билдирет.

Изилдөөчүлөрдүн айтымында, алар иштеп чыккан ракка багытталган фототерапия каражаты терс таасирлери жок рак клеткаларын жок кылууга жөндөмдүү.

Илимпоздордун айтымында, бул ыкма терс таасирлерин классикалык дарылоолорго караганда бир кыйла аз кылат. Химиотерапия жана нур терапиясы дээрлик ар дайым рак клеткаларын курчап турган ткандарга зыян келтирет. Белгилей кетүүчү жагдай, фототерапия башка ыкмаларга караганда коопсузураак, ошондуктан ал жаңы төрөлгөн ымыркайлардын ар кандай ооруларын дарылоодо колдонулат.

Жаңы ыкма Сеул Улуттук университетинин профессору Юн-Сик Ли менен Корея университетинин профессору Джун Андын биргелешип жүргүзгөн изилдөөлөрүнүн натыйжасында бир гана сайма жана кайталама фототерапияны талап кылат.

Фототерапия технологиясынын маңызы - рак клеткаларында гана топтолгон фотосенсибилизаторду сайуу. Алар организмге лазер киргенде тандап жок кылынат.

Жаңы жарыкка негизделген ракты контролдоо технологиясы пациенттин дарылануу учурунда пайда болгон ыңгайсыздыктарын минималдаштырат. Белгилей кетсек, Nano журналында ушул ачылышка арналган илимий макала жарыяланган.