Путин Садыр Жапаровду президенттик шайлоодогу жеңиши менен куттуктады

Россиянын президенти Владимир Путин Садыр Жапаровду Кыргызстандагы президенттик шайлоодогу жеңиши менен куттуктады. Бул тууралуу Кремлдин сайтына жайгаштырылган маалыматка шилтеме берип “Барометр” билдирет.

«Президенттикке шайланганыңызга байланыштуу чын жүрөктөн чыккан куттуктоомду кабыл алыңыз. Сиздин мамлекет башындагы ишмердүүлүгүңүз орус-кыргыз байланыштарынын бардык спектрин мындан ары чыңдоого өбөлгө болот деп ишенем. Бул, албетте, биздин достук мамилебиздин  түпкү кызыкчылыктарына жооп берип, Борбор Азия чөлкөмүндө туруктуулукту жана коопсуздукту чыңдоого дал келет», - деп айтылат куттуктоодо.