Пригородное айылында 15ке жакын аял өздөрүнө бензин коюуп өрттөйбүз деп жатышат

Чүй облусунун Аламүдүн районуна караштуу Пригородное айылынын 15ке жакын тургуну банктан алган насыяларын төлөй албай калгандыктан өздүрүн өрттөйбүз деп жатканы тууралуу маалымат соцтармакка таркаган. Бул тууралуу Пригородное айыл өкмөтүнүн кызматкери ”Барометрге”  маалыматты тастыктады.  

 Маалым болгондой, бүгүн, 15-апрелде Пригородное айыл өкмөтүнүн имаратында 15ке жакын аял өздөрүн өрттөйбүз деп жатышат делген маалымат интернетке желдей таркаган.

Окуяга күбө болгондордун айтымында, аялдар банктан алган насыясын төлөй албай калып, үйлөрүн алдырып жиберүү коркунучунда турушкан. Алар, банктардан үстөк пайызды төмөндөтүүнү талап кылып жатышат.

Ал эми, окуя болгон жерге Чүй ОИИББинин жетекчилиги жана кызматкерлери жөнөп кетишкени маалым болду.

"Учурда Аламүдүн РИИБинин кызматкерлери аялдарга түшүндүрүү иштерин жүргүзүп, коомдук коопсуздукту сактоо иш-аракеттерин жүргүзүп жатышат", - деп айтылат маалыматта.