Президент маркум Болот Шамшиевге топурак салды

Кыргызстандын белгилүү кинорежиссёру, СССРдин эл артисти, Кыргыз Республикасынын эл артисти Болот Шамшиев акыркы сапарга узатылды.

Маркумдун сөөгү Бишкектеги Ала-Арча көрүстөнүнө коюлду.

Маркумга топурак салууга президент Сооронбай Жээнбеков катышып, анын үй-бүлөсүнө жана жакындарына көңүл айтты.

Өз сөзүндө мамлекет башчысы Болот Шамшиевдин эмгегинин үзүрү «кыргыз керемети» доорунун ажырагыс бир бөлүгү болуп саналарын баса белгиледи.

Болот Шамшиев узакка созулган оорудан улам, 21-декабрь күнү 78 жаш курагында президентке караштуу атайын адистештирилген оорукананын жандандыруу бөлүмүндө каза болгон.