Президент Кыргызстандын Пакистан менен Израилдеги элчилерин дайындады

Президент Садыр Жапаров Пакистан менен Израилдеги жаңы элчилерди дайындады. Бул тууралуу мамлекет башчысынын басма сөз кызматына шилтеме кылып "Барометр" билдирет.

Аталган маалыматка таянсак, Кубанычбек Өмүралиев Израилдеги элчи болуп дайындалды, буга чейин ал Кыргызстандын Түркиядагы элчиси болуп иштеп келген. Элчи эки ишти чогуу алып кетмекчи.

Пакистандагы дипломатиялык миссияны Уланбек Тотуяев жетектейт. Ага чейин аталган кызматты аркалаган элчи Эрик Бейшембиев кызматынан бошотулду.