Пенсионер аялдын картасына миллиард доллар которулган

АКШда пенсионер аялдын картасына миллиард доллар күтүүсүздөн которулуп калган. Ушундан кийин аял дүйнөдөгү эң бай америкалыктардын тизмесинде 615-ордунду ээледи. Бул тууралуу wfla.com кабарлады.

Америкалык пенсионер Джулия Йонковски жакын жердеги банкоматка барып 20 доллар каражат алмак болгондо, анын акчасы миллиард доллар экенин көрүп калган.

Джулия буга кубанбай тескерисинче бул акча анын карточкасына кандайча которулуп калганын банктар аркылуу тактап жатат. Аял аны ээсине кайтарып берүүнүн көздөөдө.

“Оо Кудай, бул эмне деген шумдук, эмне кыларымдын билбей жатам”,-деп нааразы болууда Йонковски.