Пенсионер аялдын 40 миң долларын жана алтын тыйындарын уурдап кетишти

Москвада пенсионер аялдын бир килограммга жакын алтын тыйындар коллекциясын жана 40 миң долларын уурдап кетишти. Бул тууралуу РИА Новости Москва шаарынын ички иштер органдарына шилтеме кылуу менен билдирди.

1958-жылы туулган аял полицияга кайрылып анын үйүн тоноп кетишкенин айткан. Уурулар аялдын биринчи кабатка жайгашкан үйүнө 3-мартта жана 7-мартта киришкен.

“Материалдык чыгым 5,7 миллион рублге бааланды”,-деп кабарлашты ички иштер органдарынан.

Учурда ууруларды издөө иштери жүрүп жатат.