Парламент Маевский жана президенттик шайлоо тууралуу таратылган маалымат боюнча УКМКны, Башкы прокуратураны чакырат

Парламент Маевскийдин кармалышы жана активист Нурбек Токтакуновдун билдирүүсү боюнча реакция жасашыбыз керек.  Мындай пикирин депутат Максат Сабиров бүгүнкү парламент жыйынында айтты. Ал УКМК менен Башкы прокуратураны жыйынга чакырып, бул боюнча эмне болуп жатат угуп койсок деди. 

Ал эми депутат Талант Мамытов Токтакуновдун президенттик шайлоо боюнча билдирүүсү жалган экендиги далилденсе, жоопко тартылышы керек деп билдирди. 

Бул иш тууралуу вице-спикер Асел Кодуранова комитетке тапшырма берилери тууралуу айтты. 

Эске салсак, 16-ноябрда Москва шаарынын Тверь райондук соту мамлекеттик Думанын экс-депутаты, ишкер Леонид Маевскийди 14-январга чейин камакка алуу чечимин чыгарган. Ал шантаж кылгандыгы үчүн айыпталып жатат.

Леонид Маевский экс-депутат Өмүрбек Текебаевдин үстүнөн алдамчылыкка айыптап арыз жазып, ошонун негизинде кыргыз саясатчысы 8 жылга соттолгон.