Ошто жолдо бара жаткан унаанын дөңгөлөгү жарылып, унаа жолдон чыгып кетти

Ошто жолдо бара жаткан унаанын дөңгөлөгү жарылып, унаа жолдон чыгып кеткен. Кырсык  2018-жылдын 16-октябрь күнү саат 10:48де  Жаза айыл аймагынын Жеренчи айылына жакын жерде болгон. 

 “Хонда СРВ” үлгүсүндөгү унаанын ичинде 4 адам болгон. Бактыга жараша, жеңил жаракаттарды алышып, жергиликтүү ооруканага жеткирилген. Жеринде куткаруучулар тарабынан алгачкы медициналык жардам көрсөтүлүп, унаадан жаракат алгандарды чыгарып беришкен.