Ошто унаа бакты сүзүп, бирөө мерт кетти, экинчиси жаракат алды

Ошто 2018-жылдын 19-июль күнү саат 03:05 чамасында Шакиров көчөсүндө Hyundai Porter  унаасынын айдоочусу рулду башкара албай жолдон чыгып бакты сүзгөн. Бул туурасында өзгөчө кырдаалдар министрлигинен кабарлашты. Берилген маалыматтарга караганда жол кырсыктын кесепетинен 1 адам жабыркап (айдоочу, эркек киши) 1 адам каза болгон (аял киши). Аты-жөндөрү такталууда. Куткаруучулар каза болгон адамдын жансыз денесин унаадан чыгарып ИИМ кызматкерлерине өткөрүп беришкен, ал эми айдоочу тез жардам кызматы аркылуу ооруканага жеткирилген.