Ошто сууга кулап кеткен унаанын айдоочусу чыгып кетип, жүргүнчүсү изделүүдө
Ошто сууга түшүп кеткен унаанын жүргүнчүсү изделүүдө. Бул тууралуу ӨКМнын маалыматына шилтеме берип “Барометр” билдирет.
Маалым болгондой, Кара-Кулжа районунун Мырза-Аке — Кара-Кулжа — Алайкуу унаа жолунун 77-чакырымындагы Күйүк тилкесинен УАЗ үлгүсүндөгү унаа сууга түшүп кеткен.
“С. уулу Ж. аттуу жүргүнчү унаадан чыга албай калып калган, ал эми айдоочусу өз алдынча чыгып кетүүгө үлгүргөн. Жерине издеп-куткаруу иштерине райондук №66 ӨКБдан 6 куткаруучу тартылган.
Буга кошумча саат 12:40та Кара-Кулжа райондук ӨК бөлүмүнөн 17 куткаруучу, жергиликтүү тургундардан 50 адам, ИИМден 6 кызматкер издеп жатышат”, -деп айтылат маалыматта.
Ссылка: https://barometr.kg/oshto-suuga-kulap-ketken-unaanyn-ajdoochusu-chygyp-ketip-zhrgnchs-izdeld
Добавить комментарий ×