Ошто майыптар үчүн курулган көп кабаттуу үйлөрдүн лифти жок

Ош шаарында 1-2 топтогу жана баса албаган майыптар үчүн курулган 5-6 кабаттуу үйлөрдө лифт жок экенин жергиликтүү журналист жазып чыкты. 

Анын айтымында мүмкүнчүлүгү чектелген адамдар үчүн курулган бул турак жайынын лифти гана жок эмес анын кээ бир бөлмөлөрү арендага да берилүүдө.

1-октаябрда УКМК 6 кабаттуу үйдүн жарымы мыйзамсыз түрдө берилгендигин кабарлаган. 

Маалыматка ылайык 8 жарандын турак жайы жок экендигин тактаган билдирүүлөрү жасалма жана 3-топтогу майыптар да бөлмө алышкан.

Бул факты боюнча Ош шаардык тергөө бөлүмү тарабынан"Кызмат абалынан кыянаттык менен пайдалануу" "алдамчылык" беренелери боюнча кылмыш иши козголгон.