Ошто эркек киши сууга чөгүп кетти

Ош шаарында 14-июнда каналдан эркек кишинин жансыз денеси табылды. Бул тууралуу ӨКМнын басма сөз кызматына шилтеме берип “Барометр” билдирет.

Маалыматка ылайык, 112 кызматына Кайырма каналында эркек кишинин сөөгү жатат деген маалымат келип түшкөн.

Окуя болгон жерге Ош шаарынын куткаруу кызматынан 4 куткаруучу тартылган. Куткаруучулар эркек кишинин сөөгүн алып чыгып, (аты-жөнү такталууда) Ички иштер министрлигине өткөрүп беришти.