Ошто эки жашар бала ажатканага түшүп кетти

Ошто 2 жашар бала ажатканага түшүп кеткен. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, кече, 11-июль күнү 112-кызматына 13:18 чамасында жаш бала ажатканага түшүп кеткени тууралуу маалымат түшкөн.

"Оштун Учар айылынын Лесная көчөсүндө жайгашкан турак үйдүн ажатканасына 2 жашар бала түшүп кеткени кабарланган. Аталган дарекке 4 куткаруучудан турган тайпа тартылып, жеринде альпинистик шаймандардын жардамы менен баланы сыртка алып чыгып тагасына жана жеңесине өткөрүп беришкен. Балага алгачы жардам көрсөтүлүп, медициналык кароодон өтүү сунушталган. Абалы жакшы", -деп айтылат маалыматта.