Ошто алты жашар кызды зордуктоого аракет кылган жаран кармалды

Оштун Кара-Суу районунда 30 жаштагы эркек киши алты жашар кызды уурдап кетип, унаасынан зордуктоого аракет кылган. Бул тууралуу Ош ОИИБдин басма сөз кызматына таянып “Барометр” билдирет.

Маалыматта , 11-июль күнү кыз короодо ойноп жүргөн жеринен белгисиз бирөө келип, кызды алдап алып кеткен.

Ошол эле күнү кечинде кыз табылган. Ал апасына бей тааныш киши ага эмне кылганын айтып берген. Жабырлануучу күч түзүмдөрүнө арыз менен кайрылып, экспертиза көрсөткөндөй, жаш кызга ыплас аракеттер жасалып, денесине жаракат келтирилген.

17-июль күнү 1990-жылы туулган шектүү кармалып, тергөө изоляторуна киргизилди. Бүгүнкү күндө аталган иш сотко жөнөтүлдү.

Тергөө учурунда шектүү кызды уурдап кеткенден кийин, анын кийимин чечүүгө мажбурлап, андан кийин зордуктоого аракет кылганын мойнуна алган.