Ош шаарында айдоочу рулду башкара албай унаа каналга түшүп кетти

Ош шаарында, 29 жаштагы айдоочу рулга ээ боло албай унаасы менен каналга түшүп кетти. Бул тууралуу ӨКМдин басма сөз кызматына таянып "Барометр" билдирет. 

Кечээ, 26-ноябрда Тилеке Баатыр көчөсүндө “Опель Астра” үлгүсүндөгү унаанын айдоочусу рулга ээ боло албай, унаа Ак-Буура каналына түшүп кеткендиги тууралуу маалымат келип түшкөн.

Кырсыктын кесепетинен 1991-жылы туулган  унаанын айдоочусу  жабыркаган.

КР ӨКМнин Ош шаардык башкармалыгынын Куткаруу кызматынын куткаруучулары жеткенге чейин жабыркаган адамды тез жардам унаасы менен алып кетишкен.