Ош облусунда жер титиреди

Ош облусунун аймагында очогунда күчү 3 баллга жеткен жер титирөө катталды. Бул тууралуу Өзгөчө кырдаалдар министрлиги кабарлады.

“Кыргыз Республикасынын Сейсмология институтунун маалыматына ылайык 2019-жылдын 2-октябрында саат 12:37де Ош облусунун аймагында очогунда күчү 3 баллга жеткен жер титирөө катталган.

Жер титирөө Алай районунун Аюу-Тапан жана Осоавиахим айылында 2,5 балл чейин сезилген”, - деп айтылат билдирүүдө.

 Жер титирөөдөн жабыркагандар жана кыйроолор катталган жоктугун ӨКМ кошумчалайт.